Видео-новости

Усё больш беларусаў наведваюць Літву. Перашкодаю не стаўся нават эканамічны крызіс, інфармуе выданне "Delfi". Толькі летась колькасць нашых суайчыннікаў, якія прыязджаюць у Літву з турыстычнымі мэтамі або на закупы, вырасла больш як на чвэрць. Колькасць беларускіх турыстаў у Вільні летась павялічылася напалову. Агулам у Літве -- на 26 %.

Грамадзянская супольнасць Беларусі ды беларускія дыяспары ва ўсім свеце абураныя дзеяннямі расейскіх праваахоўнікаў. Беларуса з Іркуцку Аляксея Кухту абвінавацілі ў экстрэмізме. Пагроза крымінальнай справы навісла і над Алегам Рудаковым, які шаснаццаць гадоў ачольвае Іркуцкае таварыства беларускай культуры. Гукалі вясну -- наклікалі абвінавачанне ў экстрэмісцкай дзейнасці. Дроваў у справе наламалі расейскія праваахоўнікі. У старшыні беларускага таварыства ў Іркуцку, якога назвалі "духоўным лідарам экстрэмісцкай групоўкі", знайшлі "падрыўную літаратуру".

Байкот выбарчага фарсу. Такую пазіцыю адносна будучых парламенцкіх выбараў абралі моладзевыя актывісты ды абвесцілі пра пачатак кампаніі "Ігнор-2012". Пратэставаць супраць адсутнасці дэмакратыі ў краіне маладзёны збіраюцца салідарна -- і сярод іншага з дапамогаю сатыры. Ісці або не ісці на парламенцкія выбары? Пакуль паміж вядомымі апазіцыйнымі партыямі працягваюцца гарачыя дыскусіі, моладзевыя арганізацыі дамовіліся: выбары ігнараваць!

Алігарх нумар адзін Уладзімір Пефціеў незаконна прадаваў зброю ў Кот-Дывуар падчас ваеннага канфлікту ў краіне ў 2010--2011 гг. Гэта вынікае са справаздачы экспертаў Рады Бяспекі ААН, паведамляе агенцтва "Associated Press".

Беларусь застанецца па-за еўрапейскаю прастораю вышэйшай адукацыі на бліжэйшыя тры гады. Нашай краіне канчаткова адмовілі ў далучэнні да Балонскага працэсу. Наступны шанец Беларусь атрымае толькі ў 2015 г., інфармуе выданне "European Voice".

Зняволены праваабаронца Алесь Бяляцкі афіцыйна зарэгістраваны як кандыдат на Нобелеўскую прэмію міру. Паведамленне пра гэта атрымаў польскі фонд "Свабода і дэмакратыя", які даслаў адпаведную прапанову. Ці атрымае Бяляцкі Нобелеўскую прэмію, стане вядома 12 кастрычніка.

Пазіцыя афіцыйнага Менску адносна вяртання еўрапейскіх амбасадараў у Беларусь застаецца нязменная, заявіў сёння прэс-сакратар МЗС Андрэй Савіных. Днямі пра тое, што ў вырашэнні гэтага пытання больш зацікаўленая Еўропа, чым Беларусь, казаў кіраўнік адміністрацыі прэзідэнта Уладзімір Макей. Але пакуль Менск гандлюецца з Еўразвязам, за кратамі дагэтуль застаюцца палітзняволеныя. За ўдзел у паслявыбарчых пратэстах Павал Севярынец атрымаў 3 гады так званай хіміі. Сёння мінае роўна палова тэрміну. На пачатку тыдня ў медыях зявілася інфармацыя, што менавіта ў гэты дзень Паўла могуць вызваліць умоўна-датэрмінова.

belsat.eu

belsat.eu

belsat.eu

belsat.eu

belsat.eu