Видео-новости

24 лістапада 2011 года Алесь Бяляцкі, віцэ-прэзідэнт Міжнароднай федэрацыі правоў чалавека, кіраўнік закрытага ўладамі праваабарончага цэнтра "Вясна" , прыгавораны да чатырох з паловай гадоў пазбаўлення волі ў калоніі ўзмоцненага рэжыму з канфіскацыяй маёмасці. Такое рашэнне абвясціў 24 лістапада суддзя суда Першамайскага раёна Мінска Сяргей Бандарэнка. / Minsk, 24 November. Judge Syarhey Bandarenka of Minsk`s Pershamayski District Court sentenced human rights activist Ales Byalyatski Thursday to four-and-a-half years in a medium-security institution on a charge of large-scale tax evasion.

belsat.eu

Паводле апошніх нормаў, дзеля абмежавання вывазу паліва кожны, хто выязджае на сваім аўце за мяжу часцей як раз на 8 дзён, мае заплаціць мыта за вываз паліва. Улічваецца нават тое, што заліта ў бензабак. Ударае гэта не толькі па тых, хто перавозіць бензін і дызпаліва для перапродажу, але і па тых, хто адносна часта бывае за мяжою. «Хацелася б, каб было больш магчымасцяў выязджаць за мяжу -- не адзін раз на восем дзён. Я лічу, што гэта катастрафічна мала», -- падкрэсліла адна з удзельніц вулічнага апытання ў Горадні.

Паводле слоў праваабаронцы, яго крымінальная справа з самага пачатку мела палітычны падтэкст. "Я не веру, што КДБ не ведае, чым займаюцца праваабаронцы. Яны ведаюць і свядома спрабуюць нейтралізаваць праваабаронцаў", — заявіў падсудны.

Першая беларускамоўная газета на пачатку мінулага стагоддзя і адна з апошніх у нашыя дні. Незалежнаму выданню "Наша Ніва" споўнілася 105 гадоў. За час існавання рэдакцыя неаднойчы сутыкалася з перашкодамі з боку ўладаў, няпростыя часы газета перажывае і цяпер. ЗМІЦЕР ПАНКАВЕЦ, ЖУРНАЛІСТ «НАШАЙ НІВЫ»: «Заўсёды ёсць рызыка атрымаць папярэджанне. Не толькі ў нас, ва ўсіх журналістаў у сённяшняй Беларусі, незалежна ад таго, што мы будзем пісаць, ці будзем вывяраць, ці не будзем.

Памежны пераход "Брузгі" сёння ўначы. На першы погляд, жыццё на беларуска-польскай мяжы цячэ спакойна. Аднак цемра ахінае тое, пра што кіроўцы ўсцяж кажуць з насцяр...

У нашым учорашнім сюжэце мы распавялі пра аперацыю "Правапарадак" на дыскатэках і ў крамах мястэчка Крупкі, падчас якога працаўнікі міліцыі збівалі ні ў чым не вінаватых маладзёнаў ды каля 40 чалавек затрымалі. Сёння гледачы "Белсату" з Крупак даслалі ў рэдакцыю "Абектыву" відэа з месца падзеяў.

«Калі ласка, дапамажыце ўратаваць майго сына ад смяротнага пакарання». Так пачала тэкст петыцыі да ўсіх неабыякавых Любоў Кавалёва, маці аднаго з абвінавачаных у выбуху ў менскім метро. Любоў Кавалёва падкрэслівае, што адзіны аргумент абвінавачання -- гэта прызнанні яе сына і Дзмітрыя Канавалава, дадзеныя імі пад ціскам ды ў выніку катаванняў. Пад петыцыяй ужо падпісаліся больш за 2 тысячы чалавек. Усяго ж маці Уладзіслава Кавалёва плануе сабраць 5 тысяч подпісаў. І гэта цалкам магчыма, улічваючы, што пад падобнаю петыцыяй, што зявілася ў інтэрнэце на мінулым тыдні, падпісаліся амаль 35 тысячаў чалавек, у тым ліку і шмат іншаземцаў.

belsat.eu

belsat.eu

belsat.eu