Видео-новости

belsat.eu

belsat.eu

belsat.eu

belsat.eu

"Банкамі на тры дні была прыпыненая канвертацыя валюты паводле курсу Нацбанку дзеля набыцця лекавых сродкаў. Міністэрства аховы здароўя далучылася да вырашэння гэтай праблемы, і цяпер яна вырашаная: банкі распачалі канвертацыю валюты паводле курсу Нацбанку", -- паведаміла Рэуцкая.

Паводле вынікаў гандляванняў 13 кастрычніка на дадатковай валютнай сесіі Беларускай валютна-фондавай біржы курс долара ЗША вырас на 300 руб. (3,4 %) і склаў 9010 руб. Эксперты мяркуюць, што курс долара і далей можа падвышацца.

"Застаецца адзіны нармальны варыянт развіцця падзеяў, да якога падштурхоўваюць Лукашэнку і з Усходу, і з Захаду, -- адзіны валютны курс. Гэта значыць, што не будзе таго курсу, які "афіцыйны", або таго, што "на другой сесіі". Будзе адзіны курс, -- гаворыць Леанід Злотнікаў. -- Не будзе 5 600 або 5 700. Але не будзе і 8 500. Калі цяпер перайсці да адзінага курсу, можна нават чакаць пэўнага зніжэння сённяшняга курсу долара".

belsat.eu

Не толькі мець куміра, але і быць максімальна падобным да яго -- прынамсі вонкава --вырашыў Гэрбэрт Чавэс, дызайнер з Філіпінаў. Цяпер калісьці цемнаскурага жыхара выспы і сапраўды можна прыняць за героя коміксаў ды фільмаў, у якіх іграў Кларк Кент. Прафесія дызайнера, якою авалодаў Гэрбрэт Чавес, дапамагае яму шыць строі -- дакладна як у супермена. Аднак, паводле яго, адзенне -- не галоўнае. ГЭРБЭРТ ЧАВЭС, АМАТАР СУПЕРМЕНА: «Строі толькі апранаюць супермена, але галоўнае -- гэта рабіць дабро, сярод вашых суседзяў, у вашым грамадскім жыцці.

Пакупнікі ў гэтым салоне кампютарнай тэхнікі -- цяпер зява рэдкая. Кампютары, якія за апошнія гады зрабіліся дасяжнымі фактычна кожнай беларускай сямі, з прыход...

Рэзалюцыю, прынятую на Народным сходзе, арганізатары акцыі перадалі ў Савет Міністраў. У дакуменце ўдзельнікі сходу патрабуюць спыніць рост цэнаў, індэксаваць заробкі ды пенсіі, адмяніць кантрактную сістэму. Сярод палітычных патрабаванняў -- вызваленне палітвязняў і адстаўка ўраду. Адказ на дакумент чыноўнікі мусяць даць цягам месяца. У прыёмнай Дому ўраду арганізатараў сходу прыняў начальнік аддзелу лістоў і прыёму грамадзянаў Аляксандр Коўшар. Ва ўрад перадалі дакументы, прынятыя на сходах у адзінаццаці беларускіх гарадах.

Бел-чырвона-белы сцяг -- пад забаронаю, і не толькі у нашай краіне, але і ў суседняй Польшчы. Раённая пракуратура польскага гораду Быдгашч вынесла нечаканае рашэнне, з якога вынікае, што на польскіх стадыёнах беларусы могуць без асцярог заўзець толькі з чырвона-зялёнаю сімволікаю. Такі адказ атрымала група беларускіх заўзятараў на сваю скаргу, датычную выпадку на чэрвеньскім матчы па жаночым баскетболе ў Быдгашчы. Тады працаўнікі прыватнай фірмы аховы "Фоса" не дазволілі нашым землякам разгарнуць бел-чырвона-белы сцяг.

Вельмі будзённа. Без папярэдніх анонсаў і развітанняў адзіная беларускамоўная газета для падлеткаў "Раніца" прыпыніла свой выхад. Гэта сталася поўнаю нечаканасцю для чытачоў. РУЖАНА ВЯЧОРКА, ДАЧКА ВІНЦУКА ВЯЧОРКІ: «Мне падабалася ў "Раніцы" тое, што яна на беларускай мове, што ў ёй былі артыкулы для дзяцей з рознымі зацікаўленасцямі, таксама там была старонка і для мяне». Цяпер з беларускамоўнай прэсы для падлеткаў засталіся толькі штомесячныя часопісы. "Раніца" ж, якая раней была самастойным выданнем, цяпер будзе выходзіць штомесяц як дадатак да "Переходного возраста".