Видео-новости

Калі б не тэмпы інфляцыі, сталіся б больш адчувальныя спробы дзяржавы дапамагчы працаўнікам бюджэтнай сферы. Ад сёння са 118 000 да 151 000 рублёў павысілася тарыфная стаўка першага разраду. Адпаведную пастанову зацвердзіў урад.

Жыць стане даражэй! Першы дзень месяца -- і чарговае павышэнне цэнаў. Угару пайшлі кошты жыллёва-камунальных паслугаў ды цана на аўтамабільнае паліва. Непрыемным падарункам гэтае падаражанне сталася для пенсіянераў, бо акурат сёння адзначаецца Дзень людзей сталага веку. На чым будзем эканоміць?

БОЛЬШ ЗГУБІЛІ, ЧЫМ НАБЫЛІ Яшчэ два беларускія баксёры выбылі з далейшай барацьбы на чэмпіянаце свету ў Баку. Яўген Рамашкевіч не прайшоў першага папярэдняга раўнду ў вазе да 64-х кілаграмаў, Іван Баранчык прагуляў сёння на старце ў катэгорыі 60 кілаграмаў. Адзіную перамогу ў суботу атрымаў Мікалай Весялоў, які выступае ў вазе да 75 кілаграмаў. Адразу з другога раўнду паслязаўтра стартуе Сяргей Карнееў у катэгорыі 91 кілаграм. Усяго спартоўцам трэба прайсці тры этапы кваліфікацыі, перш як 5 кастрычніка ўзяць удзел у чвэрцьфінальных двубоях.

Людзі ў цывільным і міліцыянты аднымі з першых прывіталі на радзіме лідара Абяднанай грамадзянскай партыі пасля вяртання з сустрэчаў на самым высокім узроўні у Варшаве. Чаму ж удзел Анатоля Лябедзькі у саміце "Усходняга партнёрства" выклікаў зацікаўленасць праваахоўных органаў?

Былы кандыдат на прэзідэнцтва і палітычны вязень Дзмітры Вус на волі! Сёння яго выпусцілі з Рэспубліканскага шпіталю, куды раней накіравалі з магілёўскай калоніі. Цяпер палітык у Менску. Дзмітрый Вус стаўся 25-м вызваленым паводле ўказу прэзідэнта аб памілаванні.

тэлефонная размова з вызваленым экс-кандыдатам на прэзідэнта

Цяпер 1 літр бензіну АІ-92 каштуе 4820 (раней -- 4590) руб., АІ-95 -- 5200 (4950), дызельнае паліва -- 5100 (4860), Н-80 -- 4600 (4380). Гэта ўжо восьмае падаражэнне з пачатку года. Кошты падвышаліся ў сярэднім: 14 кастрычніка -- на 3 %, 3 сакавіка -- на 5 %, 31 сакавіка -- на 10 %, 24 траўня -- на 20 %, 7 чэрвеня -- на 30 % і па 3 % -- 21 ліпеня і 20 жніўня.

Анатоль Лябедзька заявіў, што чакаў магчымага пераследу і ціску пасля візіту ў Варшаву. "Але я не прагназую, што гэта можа цягнуцца бясконца. Эканамічныя і фінансавыя чыннікі будуць уплываць на сітуацыю. Я думаю, што эмоцыі пройдуць, бо ў Лукашэнкі няма альтэрнатывы -- толькі шукаць шлях да Бруселю і аднаўляць адносіны, спрабаваць вярнуцца ў тую сітуацыю, якая была да прэзідэнцкай кампаніі", -- дадаў палітык.

Пенсіянеры, працаўнікі бюджэтнай сферы не на кіроўных пасадах асабліва моцна адчуваюць рост коштаў на тавары ды паслугі, а таксама падвышэнне камунальных тарыфаў. "Трэба правесці глыбокія эканамічныя рэформы, трэба "развязаць рукі" бізнесу, прыбраць лішнія органы кантролю ды скараціць гэтак званыя праваахоўныя органы", -- лічыць былы міністр працы Аляксандр Сасноў.

Што думаюць мінчукі пра намер Пуціна балатавацца на прэзідэнцкіх выбарах?

belsat.eu

belsat.eu

belsat.eu