Видео-новости

"Страх для ўлады -- ва ўсім, у любой праяве свабоды. Яны спрабуюць задушыць любую праяву свабоды, - гаворыць Вольга Бандарэнка. - І калі людзі нягледзячы на тое, што іх збіваюць, арыштоўваюць, пагражаюць жудаснымі артыкуламі, ўсё роўна пераступаюць праз свой страх і ўсё роўна пратэстуюць, хай іх мала, але гэта -- перамога кожнага над сабою і пермога ўсіх над рэжымам".

belsat.eu

Сёлетняя «Бардаўская восень» сабрала вакол сябе канкурсантаў самага рознага ўзроўню. ПАЛІНА РЭСПУБЛІКА, КАНКУРСАНТКА ФЕСТЫВАЛЮ: «Песні -- яны прыходзяць аднекуль звыш да мяне, і я спяваю тое, што мне прыйшло. Мне вельмі падабаецца, калі я спяваю, і хваля эмоцыяў -- яна ідзе ад мяне да маіх слухачоў». Гэтая хваля эмоцыяў прыйшлася даспадобы не толькі слухачам, але і журы фестывалю, што праходзіў адразу на шасці пляцоўках Беласточчыны. МІХАЛ АНЕМПАДЫСТАЎ, СЯБРА ЖУРЫ: «Гран-пры -- гэтую ўзнагароду прэзідэнта Беластоку -- атрымала Паліна Рэспубліка».

Старшынём Таварыства беларускай мовы пераабралі вядомага грамадскага дзЕяча Алега Трусава. Акрамя выбараў кіраўніцтва, вынікам ХІ зезду арганізацыі сталася акрэсленне дасягненняў працы ТБМ у сталіцы і рэгіёнах за тры гады. І калі прынамсі фармальна такія дасягненні ёсць, то іх цяжка заўважыць на фоне агульнай сітуацыі з выкарыстаннем нацыянальнай мовы ў краіне. Яе стан пагаршаецца -- зазначаюць самі тэбээмаўцы і прапаноўваюць тры асноўныя кірункі дзейнасці на наступныя паўгода. АЛЕГ ТРУСАЎ, ПЕРААБРАНЫ СТАРШЫНЯ ТБМ: «Першае -- развіццё культурнай спадчыны праз краязнаўства.

Са здаровага і спрытнага імгненна ператварыцца ў інваліда -- цяжкі ўдар. А калі чалавек нарадзіўся з хваробаю ці стаў фізічна абмежаваным у дзяцінстве? Тады ўдарам робіцца сутыкненне з грамадствам. Калі маладыя гарадзенцы рыхтавалі міні-спектакль, актораў набіралі не паводле стану здароўя, а паводле таленту і ведання ролі. Тэма занадта жыццёвая -- узаемны страх інваліда і грамадства. ВОЛЬГА ШУЛЬГА, ДЫРЭКТАР ДЗІЦЯЧАГА ХОСПІСУ: «Мы хацелі, каб грамадства праявіла актыўнасць і паказала сваю салідарнасць з гэтымі людзьмі і сказала, што так, гэтыя людзі маюць праблемы, і мы гатовыя ім дапамагаць».

Падманутыя дольнікі паркінгу на Нямізе сабраліся сёння ля будоўлі, у якую ўклалі ўласныя сродкі. Будаўніцтва абекту вядзецца каля 10 гадоў. І канца пакуль не бачна. Працы прыпыненыя. Інвестарам тлумачаць, што прычыны затрымкі вельмі простыя -- грошай няма. СЯМЁН ГЕРШАНАЎ, ДОЛЬНІК, ІНВЕСТАР, ПРАДПРЫМАЛЬНІК: «Утварылася абсурдная сітуацыя, мы, інвестары, уклалі сродкі ў гэты абект -- паркінг -- з тою мэтаю, каб пачаць працаваць у 2004 годзе. Тут за гэты час апынулася будоўля стагоддзя».

24 кастрычніка 2011 a 19-00 на Кастрычніцкай плошчы Менску адбылася спроба зладзіць акцыю з патрабаваньнем вызваліць палітвязьняў. 24 октября 2011 а 19-00 на Октябрьской площади Минска была попытка провести акцию с требованием освободить политзаключенных.

А пакуль мы з вамі можам глядзець, як артыкул Канстытуцыі пра свабоду сходаў рэалізоўваецца ў яго цяперашняй трактоўцы, грамадскасць спрабуе спыніць прыняцце паправак, якія яшчэ больш ускладняць правядзенне якіх-кольвек вулічных акцыяў. Адпаведны калектыўны зварот сёння перадалі ў Канстытуцыйны суд. Там цягам наступных пяці дзён мусяць разгледзець новую рэдакцыю Закону аб масавых акцыях, якую ў пятніцу ўхваліў Савет Рэспублікі. Папраўкі займеюць статус закону пасля экспертызы Канстытуцыйнага суда і подпісу прэзідэнта.

Той самы сцэнар, што і некалькі дзён таму. Ачэпленая сілавікамі Кастрычніцкая плошча, пагрозы міліцыянтаў. Нягледзячы на гэта цвёрды намер арганізатараў правесці акцыю... Усяго праз некалькі хвілінаў пасля выступу актывіста «Еўрапейскай Беларусі» сілавікі запіхнулі яго ў аўтобус і павезлі ў невядомым кірунку. А сёння раніцою судовы канвеер ужо працягваў сваю інтэнсіўную працу. У двары суда Цэнтральнага раёну Менску сваякі і паплечнікі затрыманага ў пятніцу Аляксандра Валанцэвіча змаглі нарэшце яго ўбачыць.

belsat.eu

belsat.eu

Акцыя салідарнасці з палітвязнямі была ініцыяваная кампаніяй "Еўрапейская Беларусь". Паводле задумы арганізатараў, яна павінна прайсці ў Мінску на Кастрычніцкай і ў іншых беларускіх гарадах на цэнтральных плошчах. Мінск, 24 кастрычніка, 2011