Видео-новости

Прэмера 14 верасня 2011 г. а 21:25. Пазней фільм будзе даступны на сайце тэлеканалу "Белсат" www.belsat.eu

"Я думаю, што ў аснове выдачы крэдыту на $ 1 млрд "Сбербанкам" ляжыць жаданне Расеі не даць разваліцца беларускай эканоміцы і не дазволіць празаходнім сілам усталяваць сваю ўладу. Гэтага Расея баіцца, і таму падтрымлівае нас, каб трымаліся на паверхні, каб не было сацыяльнага выбуху", -- кажа эканаміст Леанід Злотнікаў.

"Спадарыня Грыбаўскайце забівае клін не толькі паміж Літвою і Беларуссю, але і паміж беларускаю апазіцыяй ды Еўразвязам, паміж тымі краінамі, што ёй рэальна дапамагаюць. Вось тут я мушу задацца пытаннем: чаму вы гэты робіце, спадарыня Грыбаўскайце?" -- заявіў экс-кандыдат на прэзідэнта Уладзімір Някляеў у інтэрвю тэлеканалу "Белсат".

Рэпартаж з рынка ў Заслаўі пра эканамічны крызіс. Як жывецца беларусам з новымі цэнамі? Ці вераць яны ў хуткае вырашэнне эканамічных праблем? І як разумеюць, што ж здарылася ў квітнеючай Беларусі?

Як паказвае еўрапейская практыка, жывёлагадоўля можа быць рэнтабельная ды нават болей -- прыбытковая. Акрамя традыцыйных кароў ды коней, фермерскаю спецыялізацыяй робяцца алені, страўсы, слімакі ды ламы. Нягледзячы на высокі кошт, экзатычная фаўна заваёўвае рынак. Лама -- гэта фактычна амерыканскі вярблюд. Толькі бязгорбы. Вынослівая жывёла, якая ў стане перанесці груз вагою 50 кілаграмаў на адлегласць да 25-ці кіламетраў. Швейцарская пенсіянерка Карын Юлінг разводзіць ламаў на сваёй ферме «для разнастайнасці».

Пра тое, што працоўны кантракт працягнуты не будзе, кіраўніцтва Гарадзенскага гістарычна-археалагічнага музею папярэдзіла Таццяну яшчэ паўтара месяца таму. ТАЦЦЯНА КАСАТАЯ, МАЛОДШЫ НАВУКОВЫ СУПРАЦОЎНІК: "Дырэктар сказаў: "Ты разумееш, у якой краіне мы жывем, і я проста не буду працягваць з табою кантракту". І ўсё. Тлумачэнняў не было". Але і без дадатковых тлумачэнняў Таццяна ведае, што менавіта не задавольвае адміністрацыю музею. ТАЦЦЯНА КАСАТАЯ, МАЛОДШЫ НАВУКОВЫ СУПРАЦОЎНІК: "Удзел у зборы за пераназыванне адной з вуліцаў у горадзе Горадні імем Васіля Быкава, ну і таксама падтрымання кандыдата на прэзідэнта Уладзіміра Някляева".

Яшчэ напярэдадні апошніх выбараў прэзідэнта Беларусі Даля Грыбаўскайце нечакана наведала Менск. Літоўская лідарка пажадала Аляксандру Лукашэнку перамогі ды...

З манеўраў рэальных да віртуальных. Кантроль за правапарадкам у сацыяльных сетках мусіць стаць чарговаю прыступкаю ўзаемадапамогі ды супрацы краінаў, абяднаны...

Стаць акругамі Расеі -- з такім заклікам да Беларусі ды Украіны звярнула партыя Уладзіміра Жырыноўскага. Ідэю прапісалі ў праекце рэзалюцыі перадвыбарчага зезду ЛДПР. Паводле дакументу, Расея ўяўляе сабою "дзяржаву-гермарфрадыт " -- не да канца дэмакратычную і не цалкам свабодную. І ўтвораныя ёю формы садружнасці, такія, як СНД, АДКБ, ЕўрАзЭС, выглядаюць аналагічна. УЛАДЗІМІР ЖЫРЫНОЎСКІ, ВІЦЭ-СПІКЕР ДЗЯРЖДУМЫ РАСЕІ, ЛІДАР ЛДПР: «Спроба развіваць СНД, у ім АДКБ і далей ЕўрАзЭС, Мытны саюз, асобна саюзную дзяржаву Расеі і Беларусі, -- гэты кактэйль не будзе мець станоўчых вынікаў».

Паліва ізноў падаражэе, і здарыцца гэта ўжо заўтра. Пра гэта паведамляе інфармацыйная агенцыя "БелаПАН" са спасылкаю на ананімныя крыніцы ў нафтахімічнай галіне. Кошты ўздымуцца ў сярэднім на 3 %. Згодна з новымі коштамі, за літр А-92 давядзецца плаціць 4590 рублёў. Кошт 95-га бензіну складзе 4950, а дызельнага паліва -- 4860. У канцэрне «Белнафтахім» інфармацыю аб падаражанні зняпраўджваюць. Аднак выпадкі нечаканага падвышэння цэнаў былі і раней. З пачатку года нафтапрадукты даражэлі ўжо 6 разоў.

Расейскі "Сбербанк" гатовы даць беларускаму боку новы крэдыт. Як і іншыя паслявыбарчыя крэдыты Менску, новая пазыка афіцыйна ідзе "Беларуськалію". Аднак зразумела, што сапраўдны атрымальнік сродкаў -- урад Беларусі, які ўжо заявіў пра новы крэдыт як пра вырашаную справу. Афіцыйны расейскі бок пакуль сітуацыі не каментуе. Але аналітыкі схіляюцца да меркавання: грошы дадуць. ПАВЕЛ ЕМЯЛЬЯНЦАЎ, ФІНАНСАВЫ АНАЛІТЫК, МАСКВА: «Я мяркую, тут трэба глядзець не на сам "Беларуськалій", не на эканамічныя наступствы гэтага крэдыту, а хутчэй тут грае ролю палітыка».