Видео-новости

belsat.eu

belsat.eu

Самае чаканае дзіця стагоддзя мела нарадзіцца на свет сёння ўначы. Але адразу некалькі немаўлятаў -- Мэй Камача з Філіпінаў, Наргіс з Індыі ды Пеця з Расеі -- сталіся прэтэндэнтамі на званне 7-мільярднаго жыхара планеты. АЛЕНА НІКАЛАЕВА, МАЦІ ПЯТРА: «Я шчаслівая, што ў мяне нарадзілася дзіця. Доўгачаканае трэцяе дзіця!» АДЖАЙ КУМАР ЯДАЎ, БАЦЬКА НАРГІС: «Я атрымаў столькі шчасця, бо мая дзяўчынка сёння зявілася на свет!» Насамрэч вызначыць, хто менавіта з народжаных у гэты дзень стаўся тым самым «юбілейным», практычна немагчыма, бо штогадзіну ў свеце нараджаюцца 10 тыс.

Гэтыя выбары сталіся знакавымі для Кыргызстану. Упершыню за дваццаць гадоў улада перайшла ў новыя рукі без хваляванняў. Краіна, якая памятае Рэвалюцыю цюльпанаў, зрынанне Бакіева і сутычкі на этнічнай глебе, прагаласавала за мір на сваёй тэрыторыі. ЖЫХАРЫ КЫРГЫЗСТАНУ: «Самае галоўнае, каб нацыянальнае пытанне прыбралі. Мы спадзяемся на гэта». «Каб этнічных гэтых падзеяў не было больш. Каб нацыянальную варожасць пагасіў. Ну прынамсі паспрабаваў бы». Сапраўды, развязанне этнічнага пытання ў шматнацыянальным Кыргызстане -- адна з галоўных заяўленых мэтаў Атамбаева.

Аляксандр Лукашэнка сёння раздаваў дзяржаўныя ўзнагароды. Сярод палітры новых лаўрэатаў асаблівую ўвагу прыцягнулі ўзнагароджанні сілавікоў. Паводле Лукашэнкі, частку з іх адзначылі за непасрэдную датычнасць да раскрыцця тэракту ў менскім метро. Кіраўніка дзяржавы не збянтэжыла, што сама справа працягвае разглядацца ў судзе. З юрыдычнага пункту гледжання віна абвінавачаных Канавалава і Кавалёва яшчэ не даказаная. Ані ў выбуху ў метро, ані ў шэрагу іншых выбухаў, у тым ліку падчас святкавання Дня незалежнасці ў 2008 г.

Але часы нявызначанасці з курсам -- прынамсі часова -- мінулі, з заўтрашняга дня ў Беларусі змяняюцца цэннікі на цэлую групу тавараў і паслугаў. Такім чынам урад плануе падцягнуць кошты да фактычнага стану эканомікі. Найбольш адчувальна вырастуць кошты на праезд. У сталіцы і Менскай вобласці на ўсе віды транспарту квіткі падаражэюць амаль на палову. Будзе даражэй паліць -- у сярэднім на 10 % -- і піць. Да бутэлькі любога віду моцнага алкаголю смела можна далічваць 2 тыс. руб. Тое ж тычыцца і пладова-ягадных вінаў.

Памяць ахвяраў сталінскіх рэпрэсіяў ушанавалі ўчора па ўсёй краіне. Акцыі памяці продкаў прайшлі ў Горадні, Магілёве і Воршы. У Гомлі на месцы колішніх масавых расстрэлаў мясцовыя грамадскія актывісты талакою адзначылі Дзяды. Гэта першы драўляны крыж, усталяваны ў памяць ахвяраў сталінскіх рэпрэсіяў на пачатку 1990-х пад Гомлем сіламі грамадскасці. Тут, на 9-м кіламетры Чарнігаўскай шашы, на месцы былых масавых расстрэлаў, мясцовыя грамадскія актывісты талакою прыбіралі могілкі, фарбавалі крыжы ды ўскладалі жывыя кветкі.

НАСТА ПАЛАЖАНКА, «МАЛАДЫ ФРОНТ»: «У Беларусі пакуль нічога не змянілася, і тады былі ахвяры, і тады былі рэпрэсіі. І ў Беларусі яны ёсць і ў найноўшай гісторыі -- і таму з новымі ахвярамі, з новымі палітвязнямі мы ідзем ушаноўваць памяць на Дзяды». Больш за тысячу беларусаў прайшлі вуліцамі Менску ад парку Чалюскінцаў да ўрочышча Курапаты. ВІТАЛЬ РЫМАШЭЎСКІ, БЕЛАРУСКАЯ ХРЫСЦІЯНСКАЯ ДЭМАКРАТЫЯ: «Калі мы сёння будзем забывацца, калі мы не будзем мяняць нашага стаўлення да мінулых ахвяраў і да тых, хто пакутуе сёння, то тады ў беларусаў няма будучыні.

Толькі пару хвілінаў далі Юрасю Карэтнікаву, каб развітацца са сваёй дзяўчынаю... ГАННА КАЛЕСНІКАВА, ДЗЯЎЧЫНА ЮРАСЯ КАРЭТНІКАВА: «Гэта помста...» За дзейнасць ад імя апальнай арганізацыі «Правы Альянс», за ўдзел ва ўчорашнім шэсці ў Курапаты, але перш за ўсё за актыўны ўдзел у паслявыбарчай дэманстрацыі 19 снежня ў Менску. Падчас хвалі пазнейшых арыштаў і судоў Юрасю ўдалося пазбегчы рэпрэсіяў. ГАННА КАЛЕСНІКАВА, ДЗЯЎЧЫНА ЮРАСЯ КАРЭТНІКАВА: «Пасля выбараў нам удалося выехаць ва Украіну.

belsat.eu

belsat.eu